ကြေးတိုင်နှင့်မြေစာရင်း ဦးစီးဌာန၏ မျှော်မှန်းချက် (Vision)

• လယ်ယာကဏ္ဍစဉ်ဆက်မပြတ်ဖွံ့ဖြိုးတိုးတက်မှုအတွက် လယ်ယာကဏ္ဍနှင့် မြေအသုံးချမှုဆိုင်ရာ စာရင်းအင်း၊ သတင်းအချက်အလက်များ ထောက်ပံ့ပေးရေး။ 
• To Provide Reliable Agricultural and Land Use Statistics For Sustainable Agricultural Sector Development .

ကြေးတိုင်နှင့်မြေစာရင်း ဦးစီးဌာန၏ ရည်မှန်းချက် (Mission)

 (က) မြေအသုံးချမှုဆိုင်ရာ စာရင်းအင်းအချက်အလက်များအား အခြေခံ၍ ခိုင်မာသော သတင်း အချက်အလက်စနစ်ထူထောင်ရေး။

(ခ)  ခိုင်မာမှန်ကန်သည့် လယ်ယာကဏ္ဍဆိုင်ရာစာရင်းအင်း သတင်းအချက်အလက် စနစ် ထူထောင်ရေး။

ကြေးတိုင်နှင့်မြေစာရင်း ဦးစီးဌာန၏မူဝါဒ (Strategy)

(က) မြေတိုင်းတာ၍ မြေပုံများ ပြည့်စုံစွာထားရှိရေးနှင့် မြေကြီး၊ မြေပုံ၊ မြေစာရင်းမှန်ကန်အောင် ဆောင်ရွက်ရေး၊

(ခ) သီးနှံစိုက်ပျိုးထုတ်လုပ်မှုစာရင်းများ မှန်ကန်စွာ ကောက်ယူ၊ ပြုစု၊ ထုတ်ပြန်ရေး၊ 

(ဂ) မြေယာအသုံးချမှုစာရင်းများ မှန်ကန်စွာ ကောက်ယူ၊ ပြုစု၊ ထုတ်ပြန်ရေး၊ 

(ဃ) လယ်ယာကဏ္ဍ နှင့် မြေအသုံးချမှုဆိုင်ရာ သတင်းအချက်အလက်စနစ်ထူထောင်ရေး 

(င) လယ်ယာမြေဥပဒေ၊မြေလွတ်၊မြေလပ်နှင့်မြေရိုင်းများစီမံခန့်ခွဲရေးဥပဒေများနှင့်အညီ စီမံခန့်ခွဲမှုလုပ်ငန်းများတွင် ပါဝင်ဆောင်ရွက်ရေး 

(စ) ကြေးတိုင်လုပ်ငန်းများဆောင်ရွက်ရေး၊ 

(ဆ) လယ်ယာစီးပွားစစ်တမ်းများ ကောက်ယူ၊ ပြုစု၊ ထုတ်ပြန်ရေး၊ 

(ဇ) ဌာနလုပ်ငန်းများအတွက် ကျွမ်းကျင်ဝန်ထမ်းများ လေ့ကျင့်၊ ပြုစု၊ ပျိုးထောင်ရေး။

ကြေးတိုင်နှင့်မြေစာရင်း ဦးစီးဌာန၏ လုပ်ငန်းတာဝန်များ (Main Function)

(က) ဌာနတွင်အသုံးပြုလျက်ရှိသည့်ကွင်းမြေပုံများအား ဒီဂျစ်တယ်မြေပုံများ အဖြစ်ပြောင်းလဲ နိုင်ရေးအတွက် မြေတိုင်းတာခြင်း၊မြေပုံထုတ်လုပ်ခြင်းလုပ်ငန်းများကိုနှစ်အလိုက် စီမံချက်များ ချမှတ်၍ အကောင်အထည်ဖော်ဆောင်ရွက်ခြင်း၊

(ခ) လယ်ယာကဏ္ဍဆိုင်ရာ စာရင်းအင်းအချက်အလက်များအား ဥပဒေ၊ လုပ်ထုံးလုပ်နည်း ညွှန်ကြားချက်များနှင့်အညီ မှန်ကန်စွာကောက်ယူ၊ ပြုစု၊ ထုတ်ပြန်ခြင်း၊

(ဂ) မြေအသုံးချမှုဆိုင်ရာ စာရင်းအင်းအချက်အလက်များအား ဥပဒေ၊ လုပ်ထုံးလုပ်နည်း၊ ညွှန်ကြားချက်များနှင့်အညီ မှန်ကန်စွာကောက်ယူ၊ ပြုစု၊ ထုတ်ပြန်ခြင်း၊ 

(ဃ) ဌာနမှတိုင်းတာထားသည့်မြေပုံများ၊ လယ်ယာကဏ္ဍနှင့် မြေအသုံးချမှုဆိုင်ရာစာရင်းအင်း အချက်အလက်များ အသုံးပြု၍သတင်းအချက်အလက် စနစ်ထူထောင်ခြင်း၊ 

(င) လယ်ယာမြေနှင့်၊ မြေလွတ်၊ မြေလပ်နှင့်မြေရိုင်းများ စီမံခန့်ခွဲရေးလုပ်ငန်းများအတွက် တည်ဆဲဥပဒေများနှင့်အညီ ဖွဲ့စည်းထားသည့် ကော်မတီသို့မဟုတ် အဖွဲ့အစည်း အသီးသီးတွင် မိမိဌာနဝန်ထမ်းများ ဥပဒေသတ်မှတ်ချက်နှင့်အညီ ပါဝင်ပူးပေါင်း ဆောင်ရွက်ခြင်း၊ 

(စ) ကြေးတိုင်လုပ်ငန်းများအား ကြေးတိုင်လက်စွဲပါပြဌာန်းချက်များနှင့်အညီဆောင်ရွက်ခြင်း၊ 

(ဆ) လယ်ယာကဏ္ဍနှင့်သက်ဆိုင်သည့် သတင်းအချက်အလက်များ ထုတ်ပြန်နိုင်ရေးအတွက် လိုအပ်သော လူမှုစီးပွားရေးစစ်တမ်းများ နှင့်လယ်ယာသန်းခေါင်စာရင်း ကောက်ယူခြင်း လုပ်ငန်းများကို နိုင်ငံတကာစံနှုန်းများနှင့်အညီ ကောက်ယူပြုစုခြင်း၊ 

(ဇ) စာချုပ်စာတမ်းမှတ်ပုံတင်ဥပဒေပါပြဌာန်းချက်များနှင့်အညီ စာချုပ်စာတမ်းများ မှတ်ပုံတင် ပေးသည့် လုပ်ငန်းဆောင်ရွက်ခြင်း၊

(ဈ) ဌာန၏မျှော်မှန်းချက်၊ ရည်မှန်းချက်များကို အောင်မြင်စွာ အကောင်အထည်ဖော် ဆောင်ရွက် နိုင်ရန် ဝန်ထမ်းများ စွမ်းဆောင်ရည်မြင့်မားရေးအတွက် လိုအပ်သည့်အလုပ်ရုံ ဆွေးနွေး ပွဲများဆောင်ရွက်ခြင်း၊ သင်တန်းများ ဖွင့်လှစ်သင်ကြားပေးခြင်း။

ဌာနခွဲများဖွဲ့စည်းပုံ

လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနသည် ဌာန၏ မျှော်မှန်းချက်၊ ရည်မှန်းချက်၊ မူဝါဒနှင့် လုပ်ငန်းများကို ထိရောက်အောင်မြင်စွာ အကောင်အထည်ဖော် ဆောင်ရွက်သွားနိုင် ရန်နှင့် နေပြည်တော်၊ တိုင်းဒေသကြီး/ပြည်နယ်၊ ခရိုင်နှင့် မြို့နယ်၊ မြို့ဦးစီးဌာနရုံးများနှင့် အထက်/အောက် မြန်မာနိုင်ငံကြေးတိုင်ဦးစီးဌာနရုံးများအား ကြပ်မတ်ကွပ်ကဲသွားနိုင်ရန် ဦးစီးဌာန (ရုံးချုပ်) တွင်  အောက်ပါဌာနခွဲများဖြင့် ဖွဲ့စည်းဆောင်ရွက်လျက် ရှိပါသည်-

(၁)    စီမံရေးရာဌာနခွဲ၊  
(၂)    ဘတ်ဂျက်နှင့်ငွေစာရင်းဌာနခွဲ၊  
(၃)    စာရင်းအင်းဌာနခွဲ၊  
(၄)    မြေစာရင်း၊မြေတိုင်းနှင့်ပုံနှိပ်ဌာနခွဲ၊  
(၅)    ကြေးတိုင်၊စီမံကိန်းနှင့်သုတေသနဌာနခွဲ၊  
(၆)    မြေယာစီမံခန့်ခွဲရေးဌာနခွဲ၊  
(၇)    မြေယာအသုံးချမှုနှင့်စစ်ဆေးရေးဌာနခွဲ၊   
(၈)    ဗဟိုမြေစာရင်းဖွံ့ဖြိုးမှုလေ့ကျင့်ပညာပေးရေးသင်တန်းကျောင်းတို့ဖြစ်ပါသည်။

ဦးစီးဌာန ရုံးချုပ်ရှိ ဌာနခွဲများနှင့် လက်အောက်ဌာနများ ဖွဲ့စည်းပုံအခြေအနေမှာ အောက်ပါအတိုင်းဖြစ်ပါသည်-

ကြေးတိုင်နှင့်မြေစာရင်းဦးစီးဌာနရှိ ဝန်ထမ်းအင်အားစာရင်း

ရာထူးအလိုက် ဝန်ထမ်းအင်အားစာရင်း တည်ရှိမှုအခြေအနေ

ကြေးတိုင်နှင့်မြေစာရင်းဦးစီးဌာနတွင် ခွင့်ပြုဖွဲ့စည်းပုံအရ ရာထူးအလိုက် ကျား၊ မ ဝန်ထမ်းအင်အား တည်ရှိမှုအခြေအနေမှာ အောက်ပါအတိုင်းဖြစ်ပါသည်-

၂၀၂၃-၂၀၂၄ ခုနှစ် ကြေးတိုင်နှင့်မြေစာရင်းဦးစီးဌာန၏ ဖွဲ့စည်းပုံအရ(၃၁-၃-၂၀၂၄) ဝန်ထမ်းအင်အားစာရင်း

ပညာအရည်အချင်းအလိုက် ဝန်ထမ်းအင်အားတည်ရှိမှုအခြေအနေ

ကြေးတိုင်နှင့်မြေစာရင်းဦးစီးဌာနတွင် တာဝန်ထမ်းဆောင်လျက်ရှိသည့် ဝန်ထမ်းများ၏ ပညာအရည်အချင်းအလိုက် တည်ရှိမှုအခြေအနေမှာ အောက်ပါအတိုင်းဖြစ်ပါသည်

ဂုဏ်ထူးဆောင်ဘွဲ့တံဆိပ်များ    
နိုင်ငံတော်နှင့်ဌာနအပေါ် သစ္စာစောင့်သိပြီး ပေးအပ်သည့်တာဝန်များကို ကျေပွန်စွာ ထမ်းဆောင် ခဲ့ကြသည့် နိုင်ငံ့ဝန်ထမ်းများ (အငြိမ်းစား/တာဝန်ထမ်းဆောင်ဆဲ) အနက်မှ ၁၉၉၄ ခုနှစ်မှ ၂၀၂၄ ခုနှစ် အထိ ပြည်သူ့ဝန်ထမ်းကောင်းတံဆိပ်ရရှိသူ ဝန်ထမ်း(၁၉၄၅) ဦး၊ ပြည်သူ့ ဝန်ထမ်းတံဆိပ်ရရှိသူ ဝန်ထမ်း (၉၆၅၉) ဦး၊ ငြိမ်ဝပ်ပိပြားရေးနှင့်တရားဥပဒေစိုးမိုးရေးတံဆိပ် ရရှိသူ ဝန်ထမ်း (၁၉၉၇၉) ဦး တို့ကို နိုင်ငံတော်မှ ဂုဏ်ထူးဆောင်ဘွဲ့တံဆိပ်များ ချီးမြှင့်အပ်နှင်း ပေးခဲ့ပါသည်။    

ပြည်သူ့ဝန်ထမ်းဆိုင်ရာစွမ်းဆောင်မှုဂုဏ်ထူးဆောင်တံဆိပ်များ    
နိုင်ငံတော်နှင့်ဌာနအပေါ် သစ္စာစောင့်သိပြီး ပေးအပ်သည့်တာဝန်များကို ကျေပွန်စွာ ထမ်းဆောင် ခဲ့ကြသည့် နိုင်ငံ့ဝန်ထမ်းများ (အငြိမ်းစား/တာဝန်ထမ်းဆောင်ဆဲ) အနက်မှ ၁၉၉၄ ခုနှစ်မှ ၂၀၂၄ ခုနှစ်အထိ စီမံထူးချွန်တံဆိပ် (ပထမ) ဆင့် (၁)ဦး၊ လယ်ယာစီးပွားထူးချွန်တံဆိပ် (တတိယ) ဆင့် (၁) ဦး၊ ရဲဗလတံဆိပ် (၂) ဦး၊ စီမံထူးချွန်တံဆိပ် (တတိယ) ဆင့် (၁) ဦး တို့ကို နိုင်ငံတော်မှ ပြည်သူ့ဝန်ထမ်းဆိုင်ရာစွမ်းဆောင်မှုဘွဲ့တံဆိပ်များ ချီးမြှင့်အပ်နှင်းပေးခဲ့ပါသည်။